De Luc Marteling liest vir: Wéi een e Reebou fänkt & De Kueb Kuiitsch traut sech! (a wann nach Zäit ass, een drëtt Buch)

Wéini? - Samschdes, den 10. Juni 2023 um 10h30

Wou? - Um 1. Stack vum Mierscher Kulturhaus

Gratis Entrée

Umeldung obligatoresch ënner 32 50 23 550 oder op kontakt@mierscher-lieshaus.lu

Déi zwee Bicher si bei Kremart Edition op Lëtzebuergesch erasukomm an de Luc Marteling ass den Iwwersetzer.

Wéi een e Reebou fänkt
Naomi Jones (Text), Ana Gomez (Illustratiounen)
D’Frutz huet Reebéi immens gär. Et ass frou mat hire blénkege Faarwen a mat hire geschwongene Formen. Méi wéi alles anescht wënscht et sech, datt et selwer een hätt. Dofir wëll et ee fänken – et gëtt eng Reebou-Fänkesch! Villes leeft dobäi awer net esou wéi geduecht an d’Frutz ka sech säi Wonsch just mat Kreativitéit a mat Virstellungskraaft erfëllen …

De Kueb Kuiitsch traut sech!
Manfred Mai (Text), Henning Löhlein (Zeechnungen)
De Kuiitsch ass net wéi déi aner Kueben aus senger Famill. Seng Bridder Kuatsch a Kuätsch léiere fléien a maache grouss Ausflich, wéi et sech fir Kuebekanner gehéiert. De Kuiitsch awer, dee bleift léiwer doheem am Nascht a kuckt hinne vu Wäitem no. Seng Eltere maache sech vill Suergen: Wat soll nëmmen aus deem klenge Kueb ginn? Um Enn weist de Kuiitsch awer jidderengem, wat hie kann. Hien huet nämlech en extrat Talent … well fléie kann dach schliisslech all Kueb!