Geschichte fir Kids
D'Nuecht vum 5. Dezember
Schattentheater mam Potty Lotty

Eng Geschicht fir matzemaachen a matzesangen. Duerno gëtt nach e Boxemännche gebastelt.

Fir Kanner vun 3 Joer un.
Wéini? - Samschdes, den 30. November 2024 um 10h30 (45 Minutten)
Wou? - Um 1. Stack vum Mierscher Theater (fir an d'Gebai eran ginn et Trapen, bannen ass ee Lift)
Gratis Entrée
Umeldung obligatoresch ënner 32 50 23 550 oder op kontakt@mierscher-lieshaus.lu

Mat der Ënnerstëtzung vum Mierscher Theater organiséiert.

[LU] Et ass eng Veranstaltung fir Familljen an d’Kanner solle vun engem Erwuessene begleet ginn. D’Mierscher Lieshaus iwwerhëllt keng Responsabilitéit fir d’Kanner.
[FR] Il s'agit d'un événement familial et les enfants doivent être accompagnés d'un adulte. Le Mierscher Lieshaus n'assume pas la responsabilité pour les enfants.
[EN] This is a family event and children should be accompanied by an adult. The Mierscher Lieshaus assumes no responsibility for the children.

D’Nuecht vum 5. Dezember

D’Chiara an de Lou hunn an der Schoul dem Kleesche Biller gemoolt. Mee ewéi déi zwee Owes dem Kleeschen hir Biller wëllen op den Dësch leeën, mierken si dat dem Lou säi Bild feelt. Si kucken am ganzen Haus, mee d’Bild ass net ze fannen. Soll de Kleeschen dem Lou dann alt e Kaddo brénge wa just dem Chiara säi Bild um Dësch läit?

Eng kleng Geschicht fir matzemaachen iwwert di spannendst Nuecht vum Joer, geschriwwe vum Charlotte Reuter an als Schattentheater gespillt an erzielt vum Potty Lotty.